Kisitsisaataasivimmi
aalisarnermut paasissutissat nutaat
Kalaallit
Nunaanni Naatsorsueqqissaartarfik aalisarnermut paasissutissanik nutaanik
ullumi saqqqummersitsivoq. Tabelimi nutaami takuneqarsinnaapput qaammatit
pingasukkaarlugit aalisakkat assigiinngitsut
pisat, aalisariuteqatigiikkaarlugit aalisarfinnullu assigiinngitsunut
agguarluarlugit takussutissiat. Paasissutissat qaammatit pingasukkaarlugit
saqqummersinneqartassapput.
Aalisarnermut
tunngasut ullumikkut saqqummersinneqartartut tassaapput sinerissami tulaassat
qaammatikkaarlugit saqqummersinneqartartut, avataasiorlunilu
tunisassiuutigalugu aalisarnermi qaammatit pingasukkaarlugit
saqqummersinneqartartut. Taakku paasissutissat ullumikkut aalisarnermi pisanik
nunatta aalisarneranit nunallu allat nunatta eqqaani aalisarnerinik
tamakkiisumik paasissutissiisuupput.
Paasissutissat
nutaat saqqummersitavut takussutissiipput aalisariuteqatigiikkuutaat soorliit
atorlugit aalisakkat soorliit imartanilu sorlerni pisarineqartarnersut.
Aalisariutit
aalisariuteqatigiikkuuttaannut makkununnga pingasunut agguarneqarput:
· Kilisaatit (Avataasiorlutik
aalisartut, uiluinniutit nunamillu qanittumi kinguppanniutit)
· Aalisariutit (nunami qanittumi
aalisariutit 6 meteriniit anginerusut)
· Umiatsiat (Umiatsiat, qimussit,
qamuteralaat ATV-it assigisaallu.)
Paasissutissat
tonsiupput, igitat tunineqarsinnaanngitsullu ilanngullugit. Tunisinermi
avataasiorlunilu aalisarnermi paasissutissani allaassutigaat aalisakkat
taamaallaat ”tunineqarsinnaasut” pineqartarmata.
Imartat
aalisarfiusut takussutissiaapput nunatta eqqaani imartanilu allani
aalisarfiusut aalisakkanillu sunik pisaqarfiusarnersut. Aammattaaq nunat allat
aalisariutaasa nunatta eqqaani imartani sorlerni aalisakkanillu sorlernik
pisaqarnersut paasissutissiipput.
Assersuut
takutitassiaq qaleralittat kilisaatinut, aalisariutinut umiatsianullu
immikkoorsillugit, ukiumut pisat
Najoqqut: Naatsorsueqqissaartarfik – kisitsisaataasivimmi kisitsisit takukkit http://bank.stat.gl/FIN010
Najoqqutat
Nalinginnaasumik Aalisarneq
pillugu inatsisartut inatsisaat nr. 18, 31. oktober 1996-imeersoq taakkulu
nalunaarutitaat atuupput. Paasissutissat KANUAANA-mut nassiussorneqartut Naatsorsueqqissaartarfiup
atortarpai.
Allanik
immikkut paasiaqarusukkuit allaffimmi pisortaq Lars Geraae oqarasuaat
toqqaanartoq 34 57 87 atorlugu attavigineqarsinnaavoq.